Венесуэлд зэвсэг хулгайлсан цэргийн албан хаагчдыг баривчилжээ


Венесуэлд зэвсэг хулгайлсан цэргийн албан хаагчдыг баривчилжээ

 

Үндэсний гвардын байрнаас зэвсэг хулгайлсан хэрэгт оролцсон цэргийн 27 албан хаагчийг хууль сахиулах байгууллагын ажилтнууд баривчлан саатуулсан тухай Венесуэлийн Үндсэн хуулийн ассамблейн дарга Дьосдадо Кабельомэдэгджээ. Зохих мэдэгдлийг тэрбээр хэвлэлийн бага хурлын үеэр хийсэн байна.

Венесуэлийн эрх баригчид Боливарын үндэсний гвардын байрнаас зэвсэг хулгайлсан хэсэг бүлэг цэргийн албан хаагчийг өнгөрсөн даваа гарагт баривчлан саатуулжээ. Венесуэлийн Ерөнхийлөгч Николас Мадурогийн эсрэг бослого гаргахыг завдаж байгаа тухай зарим хэвлэл мэдээллийн хэрэгслүүд мэдээлсэн байна.

Түүнчлэн Венесуэлийн төрийн тэргүүнийг түлхэн унагаах, үндсэн хуулийн дэг журмыг сэргээхийг уриалж буй Үндэсний гвардын нэгэн түрүүчийн дүрс бичлэг нийгмийн сүлжээнд нийтлэгдсэн байжээ.

Эх сурвалж: www.TODAY.mn

Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.