Нийслэлийн цагдаагийн газраас Чингэлтэй дүүргийн нутаг дэвсгэрт үйл ажиллагаа явуулдаг “Tedy” гар утасны худалдааны лангуу түрээслэгч, иргэдэд халаасны хулгайн гэмт хэргээс урьдчилан сэргийлэх ажил, шинэчлэн батлагдсан хууль тогтоомжийг сурталчилах  чиглэлээр сургалт зохион байгуулжээ. Энэхүү сургалт, зөвлөгөөнөөр Монгол Улсын Эрүүгийн хуулийн тус ангийн 18 дугаар бүлэг 18.6-д заасан мөнгө угаах гэмт хэргийн талаарх хууль, эрх зүйн мэдээллүүдийг хүргэсэн байна. 2019 оны эхний таван сарын байдлаар улсын хэмжээнд нийт 1670 халаасны хулгайн гэмт хэрэг, зөрчлийн шинжтэй гомдол, мэдээлэл бүртгэгджээ.