Венесуэль улс далайгаар ирсэн террористуудын ажиллагааг зогсоосноо мэдэгджээ

2020/05/04 11:05

Ерөнхийлөгч Николас Мадурог унагах зорилготой зэвсэгт этгээдүүдийн ажиллагааг таслан зогсоосноо Венесуэлийн засгийн газар Ням гарагт зарлажээ.

Зэвсэгт этгээдүүд хөрш Колумби улсаас далайгаар ирсэн бөгөөд эрэгт газардах үеэр нь Венесуэлийн армийнхан болон тусгай хүчнийхэн довтолж, найман террористийг устган хоёрыг нь баривчилсан тухай тус улсын дотоод хэргийн сайд Нестор Реверол мэдэгдсэн байна.

Хурдан завь хөлөглөсөн этгээдүүд нийслэл Каракасаас холгүй Макутогийн эрэгт газардсан гэнэ. Одоо тэдгээрийн үлдэгдлийг эрэн хайх ажиллагааг агаар, ус, хуурай газарт зэрэг явуулж байгааг сайд мэдэгджээ. Мадурогийн дэглэмийг унагах зорилготой этгээдүүдийг орогнуулж, дэмждэг гэж Венесуэлийн засгийн газар хөрш Колумби улсыг байнга буруутгадаг. 

Хоёр улс өнгөрсөн онд дипломат харилцаагаа тасалсан юм. Колумбийн ерөнхийлөгч Иван Дюкийн засаг захиргаа Николас Мадурог “дарангуйлагч” гэж нэрлэдэг байна. 

Р.Төмөр 

Эх сурвалж: AFP

Холбоотой мэдээ

Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.