Манай улсад  коронавирусын "Дельта" хувилбар  эхэлж, илэрч буй нийт халдварын 10 хувийг эзэлж байна гэж мэдээлж байсан бол сүүлийн үед илэрч байгаа эерэг тохиолдлын 30 хувийг эзэлж байгаа аж.

Тодруулбал,  Баян-Өлгий аймагт 80, Ховд аймагт 55 хувь гэх мэтээр шинэ хувилбарын тархалт эрчимжиж байгааг мэргэжлийн байгууллагуудаас анхааруулж байна. Үүнтэй зэрэгцэн вакцины үр дүнгийн үзүүлэлт  дэлхий дахинд буурч байна гэх мэдээлэлч гараад байгаа юм.

Хоёр тунгийн вакцин хийлгэсэн ч дельта вирусын халдварт өртөхөд биеийн байдал хүндрэх магадлалтай байгааг дэлхийн мэргэжилтнүүд анхааруулсаар байгаа аж.