СХД-19-р хороо "Залуус-2” хороолын баруун талын жалганд нэг хүн хөдлөхгүй доош хараад хэвтээд байна гэсэн дуудлага Цагдаагийн байгууллагад иржээ. Мэдээллийн дагуу СХД-ийн цагдаагийн 2-р хэлтсийн алба хаагчид үзлэг хийхэд хэн болох нь тогдоогдохгүй, гадны нөлөөтөй нас барсан цогцос олжээ.

 

Цогцос нь 160 см урттай толгойдоо 5 см орчим үстэй, 35-40 орчим насны, үсний урдаас бага зэрэг халзан, бүлцэндүү нүдтэй, дээд үүдэн 1,2-р шүд байхгүй, шүднүүд их сарзгар зайтай эрэгтэй хүний цогцос олдсон. Нас барах үедээ өмсөж явсан хувцас нь NIKE гэсэн бичилэлтэй, 39-40 размерийн цагаан өнгийн пүүз 1 хос, баруун урд халаасны дээр PROFIELD гэсэн бичигтэй цагаан цэнхэр өнгийн жийнсэн өмд, хар хүрэн өнгийн задгай энгэртэй урдаа цахилгаантай босоо захтай куртик, энгэр хэсэгтэй ADIDAS гэсэн бичиглэлтэй улбар шар өнгийн футболк, энгэр хэсэгтэй ADIDAS гэсэн бичиглэлтэй урд талын хэвлий хэсэгтэй халаастай саарал өнгийн юүдэнтэй цамц зэрэг өмсөж явсан.

 

Дээрхи нас барсан хүнийг таниж мэдэх хүн СХД-ийн цагдаагийн хэлтсийн мөрдөн байцаах тасгийн 8809-4337, 8822-0033, 9994-8810, 9302-3060 дэгаарын утсанд мэдээлэл өгч хамтран ажиллана уу хэмээн ЦЕГ-аас мэдэгдлээ.