Өдөр бүр шахуу сурталчилж байдаг телевизийн танил бүтээгдэхүүнүүд их бий. Манайдаа л олонд танил нөхөд хэдэн төгрөгөөр рекламанд тоглож байгаа харагддаг. Ядахдаа ямар бүтээгдэхүүнд өөрийн дүрсээ үлдээж байгаагаа мэддэггүй ч юм шиг.

Өдөр алгасахгүй рекламдаж байсан тухайн үедээ стандарт гэгчийг хамгийн ихээр ярьж байсан бүтээгдэхүүнүүд өнөөдөр юу болов?

Ард иргэдэд бүтээгдэхүүнээ таниулах, хурдхан шиг зарах, ашиг олохын тухайд бодоод байхаас биш тээвэрлэлт, савлагаа, хадгалалтандаа тэр бүр анхаарахгүй байх шиг. Цэвэр байгалийн гаралтай, тураах хүнс гэж ирээд л сурталчилж байсан ч өнөөдөр нөхцөл байдал дээр хорхой шавьж "цугласан” бүтээгдэхүүн болж. Нэгэн иргэний цахим ертөнцөд хэрэглэж заншсан бүтээгдэхүүнээсээ хорхой гарч ирэхийг хараад ийнхүү нийтэлсэн байна.

Харин иргэдийн сэтгэгдэл нь үүнийг баталсан мэт харагдаж байна. Слава бүтээгдэхүүнийг оруулж ирж зардаг байгууллага үүндээ анхаарах хэрэгтэй болжээ.

Мэргэжлийн хяналтын байцаагчид үүнд анхаарлаа хандуулж баяр ёслол дөхөж байгаа эдгээр өдрүүдэд худалдааны төвүүдээр муу хүнс заруулахгүй, "идүүлэхгүй” байх арга хэмжээг авч ажиллах хэрэгтэй байгааг иргэд ийнхүү харуулж байна.

Б.Цацралт