Өөртөө итгэлтэй хүний хэзээ ч хийдэггүй 13 зүйл

Эрч хүчтэй, өөртөө итгэлтэй, ухаалаг хүмүүсийн нэг онцлог нь тэд эргэн тойронд болж буй үйл явцыг үргэлж тайвнаар хүлээж авдаг. Энэ нь маш чухал хувь хүний чанар юм.  Харин энэхүү нийтлэлээр хэрхэн энэ чанарыг өөрт бий болгож болох талаар сонирхоцгооё.

1. Өөрийн хийсэн үйлдэлд харамсдаггүй

Заримдаа өөрийн гаргасан алдаатай үйлдлээ хүлээн зөвшөөрөхөд хэцүү байдаг. Харин тэд тухайн цаг үед ямар нэгэн үйлдэл хийсэн л бол, үүнийг хийх шалтгаан байсан гэж үздэг.

 

2. Өөрсдийн хянаж, нөлөөлж чадахгүй зүйлд санаа зовдоггүй

 

Та өөрийн нөлөөлж чадахгүй ямар нэгэн үйл явцад санаа зовж байсан байх. Харин өөртөө итгэлтэй хүмүүс өөрсдийн нөлөөлж чадахгүй зүйлд санаа зовдоггүй. Тэд тайвнаар ямар үр дүн гарахыг хүлээдэг.

 

3. Тэд өөрчлөлтөөс айдаггүй

Заримдаа хүний амьдралд зайлшгүй өөрчлөлт гардаг. Энэ өөрчлөлтийг өөртөө итгэлтэй хүмүүс тайвнаар, айдасгүйгээр хүлээж авдаг. Үр дүн нь сайнаар эргэх тохиолдол байдаг шүү дээ.

 

4. Ухаалаг эрсдэлтэй алхам хийдэг

Энэ нь өндөр үр дүн гаргахад тус болдог. Эрч хүчтэй, өөртөө итгэлтэй хүмүүсийн ажил нь амжилттай, гэр бүлдээ аз жаргалтай байдаг. Хааяа бага зэрэг ухаалаг эрсдэлтэй шийдвэр гаргаж сурах хэрэгтэй. Ингэж байж л танд юу тохирох, юуг та хамгийн сайн хийж чадахаа мэднэ шүү дээ.

 

5. Тэд хүн болгонд таалагдахыг хүсдэггүй

Хамгийн гол нь та өөртөө таалагдах ёстой. Хэрэв өөрийн үйлдэл, өөрийн хүрч буй үр дүндээ сэтгэл хангалуун бол бусдын юу гэж бодох нь дараагийн асуудал шүү дээ.

6. Тэд өнгөрснийг орхидог

Тэд бүтэлгүй дурлалын тухай, өмнө нь хийж байсан дуртай ажлынхаа тухай дурсаж санагалздаггүй. Харин тэд одоо цаг дээр анхаарлаа хандуулж, одоо цагаас эрч хүч, таашаал авч, одоогоос ирээдүйгээ бүтээдэг.

 

7. Тэд алдаа, дутагдлаа зүгээр орхидоггүй

Өөрийн алдаа дутагдлыг ашиглах хамгийн зөв алхам бол – үүнийгээ засаад, дахин давтахгүй байх юм. Өөртөө итгэлтэй хүмүүс өөрийн алдаа дутагдлыг ухаарч, түүнийгээ залруулж, үргэлж өөрийгөө хөгжүүлдэг

 

8. Тэд бүтэлгүйтэлд шантардаггүй

Тэднийг зорилгодоо хүрэх хүсэл, тэмүүллийг ямар ч бүтэлгүйтэл зогсоож чадахгүй. Энэ нь зөвхөн биеийн бус сэтгэл зүйн хүчтэй хүн л хийж чадах зүйл. Ингэж байж л зорилгодоо хүрнэ.

 

9. Тэд ганцаардлаас айдаггүй

Ингэлээ гээд тэд гэр бүлтэй болохгүй гэсэн үг биш. Харин тэд ганцаараа үлдэх, хүнд хэцүү үе тохиоход өөрсдийгөө азгүй, бүтэлгүй хүн гэж тооцохгүй гэсэн үг юм. Бүх юм цаг хугацаатай гэдэг шиг гэр бүлтэй болох асуудал ч цаг хугацаатай.

 

10. Тэд шууд үр хүнд хүрнэ гэж боддоггүй

Тэд маш тэвчээртэй. Тэд үр дүнд хүрэхийн тулд хэдий хэр цаг хугацаа шаардлагатайг тооцоолдог. Үр дүнг хүлээж байх хооронд бусад ажлаа тайван хийх болно.

 

11. Тэд бусдад өртэй гэж боддоггүй

Тэд үргэлж өөрийн хүч, хөдөлмөрөөр амжилтад хүрдэг. Тухайн хүн үнэхээр чин сэтгэлээсээ тусламж санал болгож буй тохиолдолд л бусдаас тусламж авдаг.

 

12. Тэд бусдын амжилтад атаархдаггүй

Яагаад гэвэл тэд өөрсдөө чадах учраас бусдад атаархдаггүй юм. Өөртөө итгэлтэй хүмүүс атаархал бол хүнийг сул дорой болгодог зан, чанар гэдгийг мэддэг. Харин үүнд зарцуулах цагаа өөрийн хөдөлмөрт зарцуулдаг.

 

13. Тэд бусдаар өөрийгөө хянуулдаггүй

Тэд үргэлж эрх чөлөөтэй байхыг эрмэлздэг. Гэхдээ хүн болгон эрх чөлөөтэй байж чаддаггүй. Учир нь эрх чөлөөтэй боллоо гэхэд ядаж хаашаа зүглэх, хаашаа явах ёстойгоо мэдэхгүй бол эрх чөлөөний хэрэг байхгүй.