Гурванбулаг сумын Засаг даргын Тамгын газрын албан хаагч 5 хүн УАЗ фермер машинтай осолдож, хоёр хүнийх нь биеийн байдал хүндэвтэр, гурав нь хөнгөн гэмтэл авчээ. Осолд орсон хүмүүсийг гэмтлийн эмнэлэгт хүргэн эмчлүүлж байгаа. Нэг нь мэс засалд орсон гэж Гурванбулаг сумын ИТХ-ын дарга Б:Дэлгэр ярьлаа. Мөн Рашаант сумаас уг түймэрт ажиллаж байсан машин онхолдож сууж явсан хоёр хүн нь азаар гэмтээгүй байна.
Устын амны цурманд асч байгаа түймрийг бүрэн унтраахаар аймгийн Онцгой байдлын газрын гал түймэр унтраах, аврах 20-р ангийн Б.Ганзоригоор ахлуулсан 12 албан хаагч, Рашаант сумын байгаль орчны байцаагч Б.Чүлтэмсүрэнгээр ахлуулсан 22, Гурванбулаг сумын Засаг дарга А.Эрдэнэбулганаар ахлуулсан 19 хүн, Улаанбаатар хотын МУИС-ийн 13 оюутан, нийт 66 хүн, 8 машинтай ажиллаж байна гэж аймгийн Онгой байдлын газраас мэдээллээ.