АТГ Н.Энхбаяр, Н.Удвал нараас мэдүүлэг авчээ


АТГ Н.Энхбаяр, Н.Удвал нараас мэдүүлэг авчээЭМС-ын сайд асан Г.Шийлэгдамбыг авлигын хэргээр АТГ-аас саатуулсан. Түүнийг албан өрөөндөө их хэмжээний мөнгө хадгалж байсан. Уг мөнгө нь хээл хахуулаар олж авсан мөнгө гэж мэдээлж байгаа юм. Харин Г.Шийлэгдамба үүнийгээ найзаасаа авсан мөнгөө хадгалж байсан хэмээн тайлбарласан билээ.

Тэгвэл мөрдөн байцаалтын ажиллагаа үргэлжилж байгаа бөгөөд мөрдөн байцаалтын явцад МАХН-ын дарга Н.Энхбаяр, Эрүүл мэндийн сайд асан Н.Удвал нараас байцаалт авах шаардлага гарчээ. Үүний дагуу АТГ-аас тэднийг дуудаж, байцаалт авсан гэж эх сурвалж мэдээлж байна. МАХН-ын дарга Н.Энхбаяраас Г.Шийлэгдамба жльн өрөөндөө ямар зорилгоор их хэмжээний мөнгө хадгалах болсон, энэ мөнгө нь намын санхүүжилттэй холбоотой эсэхийг тодруулсан бол Н.Удвалаас Эрүүл мэндийн яаманд хэрэгжүүлсэн төсөл, тендерийн талаар мэдүүлэг авсан байна.


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.