Жил ирэх тусам улс төр, эдийн засгийн нөхцөл байдал улам хүндэрсээр байна. Үүнээс улбаалаад нийгэмд тогтворгүй байдал бий болжээ. Үүнийг шүүх байгууллагын тоо судалгаа харуулж байна.
Эдийн засаг жил ирэх тусам хүндэрч аж ахуйн нэгжүүд хаалгаа барихдаа тулж байна. 2017 онд дампуурлаа зарласан компанийн тоо 2.8 дахин өссөн үзүүлэлд гарчээ. Тодруулбал, 2016 онд улсын хэмжээнд таван компани дампуурсан бол 2017 онд 23 аж ахуйн нэгж шүүхээр дампуурснаа зарлажээ.

ДАМПУУРАЛ ЗАРЛАСАН ААН-ИЙН ТОО

2015 ОНД 18.7 ХУВЬ ӨССӨН
2016 ОНД 37.5 ХУВЬ БУУРСАН
2017 ОНД 2.8 ДАХИН ӨССӨН

Эдийн засгийн хүндрэлээ дагаад ард түмний амьдрал доройтож эхэлсэн. Үр дүнд нь амьдрахын төлөө гэмт хэрэг үйлдэх бүлэг хүрээгээ тэлж байна. Анхан шатны шүүхээр шийдвэрлэгдсэн эрүүгийн хэрэг өмнөх оноос 53.4 хувиар өссөн. Хэргийн төрлөөр ангилвал залилангийн гэмт хэрэг 90.9 хувиар өссөн. Харин хүн алах гэмт хэрэг 28.9 хувиар, хулгайлах гэмт хэрэг 22.6 хувиар өссөн бол дээрэмдэх гэмт хэрэг 20.9 хувиар нэмэгджээ. Өөрөөр хэлбэл иргэдийн амьдралын түвшин доройтож байгаа нь энэ төрлийн гэмт хэрэг өсөхөд нөлөөлж байна.

ШҮҮХЭЭР ШИЙДЭГДСЭН ЭРҮҮГИЙН ГЭМТ ХЭРЭГ /2017 ОН/

Эдийн засгийн хямралаас үүдсэн нийгмийн гаж үзэгдлүүд өсөн нэмэгдэх эхний шинж тэмдгүүд сүүлийн 3 жилд ажиглагдав. Энэ хэвээр цааш үргэлжилвэл нөхцөл байдал улам хүндрэнэ гэдгийг судлаачид сануулж байна.

Эх сурвалж: Time.mn