Өмнөговь аймгийн Засаг дарга, Гурвантэс сумын засаг даргын "Бид хамтдаа" мөрийн хөтөлбөрт үүрэн телефоны сүлжээг нэмэгдүүлэх, сайжруулах талаар тусгагдсан ажил биелэлээ олж 100 сая төгрөгийн хөрөнгө оруулалтаар Гурвантэс сумын Тост багийн нутагт Юнителийн сүлжээ ашиглалтанд орлоо. Уг сүлжээ ашиглалтад орсноор Тост багийн малчин өрхүүд болон хилийн заставын албан хаагчид үүрэн телефоноор ярих боломж бүрдэж байгаа юм.