Хэдхэн цагийн өмнө CBS телевизийн The World's Best шоуны шинэ дугаар цацагдлаа. Энэ удаагийн дугаараас эхлэн шилдэг оролцогчид хоёр хоёроороо өрсөлдөж, хасагдах журмаар дараагийн шатанд шилжих аж. 

"Mongolia's Got Talent" шоуны 2016 оны ялагч О.Энх-Эрдэнэ эхний үзүүлбэр дээрээ "Amarillo by Morning" дууг дуулж шүүгч, үзэгчдээс өндөр үнэлгээ авч байсан юм. Сүүлийн дугаарт тэрээр Энэтхэг улсаас оролцож буй 11 настай төгөлдөр хуурч Лидиан Надхасварамтай өрсөлджээ. О.Энх-Эрдэнэ Жош Тёрнерийн "Your Man" дууг дуулсан бол Лидиан Моцартын "Turkish March"-ийг нүдээ боон тоглож шүүгчдийг гайхашруулав. Шүүгчдээс өгсөн үнэлгээгээр Лидиан О.Энх-Эрдэнээс 10 оноо илүү авч дараагийн шатанд орох эрхтэй болжээ.