Хятад улс 4 сарын 6-нд "Шицзянь-10" хиймэл дагуулаа "Changzheng-2D" пуужин тээвэрлэгчийн тусламжтайгаар задгай сансарт хөөргөлөө. Ганьсу мужид байрладаг Цзюцюань сансрын буудлаас хөөрсөн сансрын хиймэл дагуул ажлаа дуусгаад 12 өдрийн дараа эх дэлхийдээ буцаж ирэх гэнэ, мэдээж бүхлээрээ биш хэсэг нь.
"Шицзянь-10" хиймэл дагуул нийт 19 туршилт явуулсныхаа үр дүнг ийнхүү авч ирж, эрдэмтдэд толилуулах аж. Хятадын хиймэл дагуул бичил таталцлын хүчний орчинд сансрын орон зай ба таталцлыг судлах бөгөөд ялангуяа шаталтын процесс, биологийн эффект, шингэний физикийг хятад эрдэмтэд онцгой сонирхож байгаа гэнэ.
Сэтгэгдэл