Ирландын холимог тулаанч Конор МакГрегор ОХУ-ын нийслэлд букмекерийн Parimatch компанийн урилгаар айлчиллаа.
 

Москвад түүнийг олон тооны фэнүүд нь баярлан угтаж, замын хөдөлгөөнийг зогсоосон байна.
 

Хэвлэлийн хуралд Конор хоёр цаг хоцорч очсон ч хүлээсэн сэтгүүлчдийг гомдоосонгүй. В.Путинд виски бэлэглэснээ ярьж, ОХУ-ыг магтан, Хабибийг сэтгэлээ ханатал доромжиллоо.

Харин дагестанчуудыг бүгдийг нь хулчгар, аймхай гэж нэрлэсэн нь уулынханд таалагдсангүй.

Москвагийн төвд Конорын байрлаж байгаа "Ритц-Карлтон” зочид буудалд дагестанчууд түүнээс тайлбар шаардахаар цуглаад байна.