Гурван хүн Улиастай голыг явганаар гаталж байгаад нэг нь осолдож, амиа алджээ. 

Энэ тухай дуудлагыг онцгой байдлын албанд зургадугаар сарын 30-ны 13:36 цагт өгсөн байна. 

Улмаар нийслэлийн Аврах ангийн алба хаагчид 31 км зам туулан 14:30 цагт очиж, Чингэлтэй дүүргийн харьяат 31 настай эрэгтэй Ц-г эрэн хайх ажиллагааг зохион байгуулсан байна. Тухайн иргэн согтууруулах ундаа хэрэглэсэн байсан бөгөөд мөн өдрийн 15:10 цагт Улиастай голоос цогцсыг олж, тус дүүргийн Цагдаагийн III хэлтсийн мөрдөгчид шилжүүлж өгсөн талаар ОБЕГ-аас мэдээлэв.