"CS:GO”-ийн Монгол төдийгүй Ази, далайн орнуудын тэргүүн баг "The Mongolz” Мэйжорын өмнө Австралид болох "ESL Challenger Melbourne” тэмцээнд оролцож чадахааргүй болжээ. Тус тэмцээн нь дөрөвдүгээр сарын 28-наас 30-ны өдрүүдэд болох бөгөөд"The Mongolz”-ийг орлож, Испанийн "Movistar Riders” баг өрсөлдөх гэнэ.
Угтаа "The Mongolz” тэмцээний В хэсэгт Косовагийн "Bad News Eagles”, Хятадын "Rare Atom”, Австралийн "Vertex ESC” зэрэг багуудтай өрсөлдөх байв. Өрсөлдөөний хувьд ч "The Mongolz” түрүүлэх хангалттай боломж байлаа. Харамсалтай нь, визний асуудлаас болж, нийт 100 мянган ам.долларын шагналын сантай, "ESL Pro League S18”-ийн эрх олгох тэмцээнийг өнжиж байна.
Парисын Мэйжор тавдугаар сарын 8-ны өдөр эхлэх бөгөөд үүнээс өмнө "The Mongolz”-ийг "ESL Challenger League S45”-ийн ээлжит тоглолтууд хүлээж буй.
Сэтгэгдэл