Эрдэнэт үйлдвэрийг барьцаалж зээл авсан Ш. Батхүү хоригдож, шүүдэх мэдүүлэг өгч эхэлжээ



"Эрдэнэт" үйлдвэрийг барьцаалж Өмнөд Африкийн "Стандарт" банкнаас зээл авсан "Жаст" группийн захирал Ш.Батхүүг АТГ найм хоногийн өмнөхорьсон.Түүнийгөнгөрсөн даваа гарагт дөрөвдүгээр цахилгаан станцын өмнөх 461 дүгээр ангид хориод байна.Ш.Батхүүг АТГ шалгаж байгааталаар өмнө ньмэдэгдэж байсан.

Энэ асуудал сөхөгдөхтэй зэрэгцэн Үндсэн хуулийн Цэцийн гишүүн Д.Сугар, "Эрдэнэ үйлдвэр”-ийн ерөнхий захирал асан Ч.Ганзориг, УБТЗ нийгэмлэгийн дарга асан Т.Очирхүү нар өөрсдийнхөө гарын үсгийг хуурамчаар үйлдсэн гэх мэдэгдлийг Ш.Батхүүгийн эсрэг удаа дараа хийсэн юм. Гэтэл "Стандарт” банкнаас авсан зээлээ төлж чадаагүй Ш.Батхүү нь Өмнөд Африкийн "Стандарт” банкнаас 100 гаруй сая ам доллар зээлсэн талаар тогтоогдоод байгаа бөгөөд одоо тун удахгүй С.Баярын гэрт нэгжлэг хийх талаар ярьж байгаа. Ш.Батхүүг саатуулсан талаар улс төр, бизнесийн хүрээнийхэн байр сууриа илэрхийлсний нэг нь Бүгд найрамдах намын дарга Б.Жаргалсайхан байлаа.

Тэрбээр "50 тэрбум төгрөгийн авлигын асуудалд холбогдсон Газрын тосны дарга асан Д.Амарсайханыг сахарын өвчтэй байхад мөрдөнд хийж байгаад нас баруулж байсан.Д.Амарсайхан нас бараад том гэмт этгээдүүд хэргээ түүнд үүрүүлээд эрлэгрүү нь явуулсан удаа бий. Түүнтэй адилхан үйл явдал "Жаст”-ын Ш.Батхүүд тохиолдох вий. Ш.Батхүү олон жилийн турш сахарын өвчтэй, эмчлүүлж явааг нь мэднэ. Хэрвээ энэ хүн нас барвал Д.Сугар, Т.Очирхүү, Ч.Ганзориг нар энэ хэргээс сугараад үлдэнэ.

Ш.Батхүүг шоронд хорих нь зөв. Гэхдээ нас баруулж болохгүй гэдгийг хууль хяналтынхан анхаарах хэрэгтэй. Энэ хүнийг үхчихвэл олон хүн гэм нүглээсэй аврагдаж, шударга ёс улам бүдгэрнэ” гэж хэллээ. Англид Элчин сайдаар ажиллаж байсан С.Баяр Монголдоо ирж шүүхэд байцаагдаж эхэлсэн бол "Жаст” группийн захирал асан Ш.Батхүү 461 дүгээр ангид хоригдож, шүүхэд мэдүүлэг өгч эхлэж байна.

BOLOD.MN

Б.Оюунзул


Сэтгэгдэл

АНХААРУУЛГА: Уншигчдын бичсэн сэтгэгдэлд www.Scandal.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.