Эрхбаригчид, албан тушаалтнууд сошиалаар ажлаа хийж, "попрох”-ыг чинээнд нь тултал хийдгийн бас нэгэн жишээг Цемент шохой ТӨХК-ийн захирал Л.Наранбаатар утгаар нь үзүүлэв. Тодруулбал, тэрбээр сошиал орчин дахь хаягаараа дамжуулан "Хаан банкаар тавигддаг цалинг 1 хоногоор хоцроосондоо ажилчдаасаа уучлалт хүсье! Цалин сая орсон. Хаан банкны буруу биш шүү. Хас болон бусад банкаар тавигддаг цалин цагтаа орсон байгаа” хэмээн бичжээ.

Тэрбээр үнэхээр ажилчдаасаа хүлцэл өчих бол байгууллагынхаа дотоод групп, сүлжээнд уг мэдэгдлээ оруулах байлаа. Бүр "соёлтой” бол ажилтан бүрийнхээ албан и-мейл рүү уг захидлаа илгээх байлаа. Мөн цалингаа хоцроосноо үнэхээр удирдлагын алдаа хэмээн үзэж байгаа бол энэ үйлдэл нь хуулиар зохицуулагдах үйлдэл ч мөн юм. 

Гэтэл эсрэгээрээ нийгмийн сүлжээ хэрэглэгч хүн бүрээс уучлал гуйж буй мэтээр буюу, эсвээс нийгмийн сүлжээ хэрэглэгч хүн бүр Цемент шохой ТӨХК-ийн ажилчид мэтээр ийнхүү уучлал хүсэж, утгаар нь попров.

Попчид илүү танигдаж, попчид албан тушаалд томилогдож, попчид давуу эрх эдэлдэг жишиг бий болоод байгааг "мэдрэмжтэй” улстөр горилогсод ийнхүү үл андан, боломж бүрийг чинээнд нь тултал ашиглаж буйн бэлхэн жишээ энэ мэтээр хөвөрнө.

https://tsahiur.mn/n/s/13589