Улс орны гадаад бодлого ямар эмзэг нарийн асуудал болохыг Ерөнхий сайд асан С.Баяр их л ой тойнд буухаар хэлжээ. "Улс орны гадаад бодлогын асуудал тухайн орны дотоодын улс төрөөс хавьгүй том. Энэ ач холбогдлынхоо үнэ цэнийн хэрээр нэгдсэн ойлголттой, тогтвортой байх ёстой. Улсынхаа гадаад бодлогоор буруу улстөржвөл бүгдээрээ нийлж байгаад "байшин”-гаа шатааснаас ялгаагүй. Талийгаач Л.Энэбиш дарга "Шумуулын шодойноос ч нарийн юм гэж бас байдаг юм”. Энэ бол жижиг орны гадаад бодлогыг тодорхойлж орхисон үг” гэжээ.