Өнгөрсөн долоо хоногт МАН-ын нэр бүхий 30 гишүүн Засгийн газрыг огцруулах албан бичгээ УИХ-д өгсөн билээ. Тэгвэл тус асуудлаар намууд дотроо хуралдаад эхэлжээ. Өнгөрсөн долоо хоногт АН уг асуудлаар дотооддоо хуралдсан ч шийдвэр нь тодорхойгүй байгаа. 

Хэрэв мэргэжлийн Засгийн газрыг унагачихвал шинээр бүрэлдэх Засгийн газар АН-тай хамтарсан засаг байгуулахаар тохиролцож байгаа нь өчигдөр төрийн ордноос тараагдсан гарын үсэг бүхий хувиарлалт хийсэн бичгээс тодорхой болсон. Дуулдаж байгаа сурагаар бол шинэ Засгийн газрын 3-4 яамыг АН-ын гишүүдэд өгөх болжээ. Үүнээс харвал шинэ Засгийн газар байгуулахаар төлөвлөж байгаа хүмүүс МАН-ын гарын үсэг зурсан 30 гишүүнээ хулхидаж байгаа нь илт болсон байна. Нэгэнт нэр нүүрээ гаргаж гарын үсгээ зурчихсан МАН-ын 30 гишүүн дундаас үүнд эгдүүцэж У.Хүрэлсүхтэйгээ муудалцсан сураг байна.