"АПУ” компанид захирлын алба хашиж явсан Б.Батжав "NTV” телевизийн "Metro Star” нэвтрүүлгээр үзэгч олонтой уулзах болсон бөгөөд түүнийг ”Люмино” хамтлагийн Бажигийн аав гэдгийг хүмүүс тэр бүр сайн мэддэггүй.

Нүдэнд дулаахан сайхан инээмсэглэсэн хотын соёлыг түгээгч түүнийг олон нийт "Цэмбэгэр” хэмээн цоллоод буй. Тус нэвтрүүлгийг чухам яагаад хийх болсон тухайгаа тэрбээр "Би хотын унаган иргэн, миний эзэмшсэн мэргэжил ч хотын хөгжлийг урьдчилан төлөвлөдөг мэргэжил. Тиймээс хотын соёлыг хэвшүүлэхийн тулд өөрийнхөө хувь нэмрийг оруулах ёстой гэж үздэг. Энэ бүхнийг илэрхийлэх, бусадтай хуваалцах боломж бол "Metro Star” нэвтрүүлэг хэмээжээ.

Жижиг зүйлсэд ч утга учир, ач холбогдол байдгийг мэдрүүлж тэдгээрийг хэрхэн зөв зохист хэмжээнд нь хэрэглэж, хэрэгжүүлэх тал дээр үзэгчдэд сонирхолтой байдлаар хүргэдэг тус нэвтрүүлэг долоо хоног тутмын Бямба гарагт "NTV” телевизээр үзэгчдэд хүрдэг аж.