Долдугаар сарын 1-ны өдөр Хан-Уул дүүргийн  гуравдугаар хорооны нутаг дэвсгэрт баригдаж байсан барилгаас хүн уналаа гэх дуудлага ЦЕГ-ийн нэгдүгээр хэлтэст иржээ. Тодруулбал, 40 настай залуу ажлаа хийж байхдаа зургаан давхраас унаж нас барсан байна. Талийгаачийн толгойд арматур зоогдож, эмнэлэгт хүргэгдэх замдаа зүрх нь зогсжээ.

Энэ талаар ЦЕГ-ын хэвлэл мэдээллийн төвийн мэргэжилтэн М.Мөнхшүр хэлэхдээ "Хэргийн газрын үзлэг хийхэд тус дүүргийн гуравдугаар хорооны нутаг дэвсгэрт баригдаж байсан барилгын зургаан давхраас эрэгтэй 40 настай У унаж бэртэж, гэмтлийн эмнэлэг хүргэгдэх замдаа амь нас нь хохирсон хэрэг бүртгэгдсэн байгаа. Мөн Чингэлтэй дүүрэгт барилгын ослын улмаас нэг хүн амиа алдсан” гэв.