Scandal.mn

Зургаан сар авалгүй зүүсэн резин гарынх нь арьсанд шигдэн ургажээ

2018/07/09

Зургаан сар авалгүй зүүсэн резин гарынх нь арьсанд шигдэн ургажээ

Author: zulaa on 9-07-2018, 13:14

Хятадын Аньхой мужийн дөрвөн настай охины гарын арьсанд шигдэж ургасан резинийг авч хаяжээ. "Дейли мэйл” сонинд ингэж бичсэн байна.

More 196 0

Category: Мэдээ мэдээлэл / Ноцтой мэдээ

“Сахал” Д.Эрдэнэбилэг Ерөнхийлөгчийн нутгийг ухаж байна...

2018/07/06

“Сахал” Д.Эрдэнэбилэг Ерөнхийлөгчийн нутгийг ухаж байна...

Author: zulaa on 6-07-2018, 10:33

Баянхонгор аймгийн Заг сумын нутагт байх Загийн голын эхэнд уул уурхайн үйл ажиллагаа явуулахаар нэг хэсэг нөхөд улайрч байгаа тухай уугуул нутгийн иргэд тэмцэл өрнүүлээд байгаа юм.

More 557 0

Category: Ноцтой мэдээ / Орон нутаг

У-ИЙН ТОЛГОЙД АРМАТУР ЗООГДОЖ, ЭМНЭЛЭГТ ХҮРГЭГДЭХ ЗАМДАА ЗҮРХ НЬ ЗОГСЖЭЭ

2018/07/04

У-ИЙН ТОЛГОЙД АРМАТУР ЗООГДОЖ, ЭМНЭЛЭГТ ХҮРГЭГДЭХ ЗАМДАА ЗҮРХ НЬ ЗОГСЖЭЭ

Author: zulaa on 4-07-2018, 16:52

Долдугаар сарын 1-ны өдөр Хан-Уул дүүргийн гуравдугаар хорооны нутаг дэвсгэрт баригдаж байсан барилгаас хүн уналаа гэх дуудлага ЦЕГ-ийн нэгдүгээр хэлтэст иржээ.

More 177 0

Category: Мэдээ мэдээлэл / Ноцтой мэдээ

ХӨРСӨН ЦОГЦОСТОЙ 3-4 ЦАГ ХУРЬЦАЛ ҮЙЛДЭНЭ ГЭЖ БАЙХ УУ Г.БАТБАЯР ӨМГӨӨЛӨГЧӨӨ

2018/07/04

ХӨРСӨН ЦОГЦОСТОЙ 3-4 ЦАГ ХУРЬЦАЛ ҮЙЛДЭНЭ ГЭЖ БАЙХ УУ Г.БАТБАЯР ӨМГӨӨЛӨГЧӨӨ

Author: saikhnaa on 4-07-2018, 13:53

13 настай охиныг хүчиндэж амь насыг нь хохироосон дуулиант хэргийн шүүх хурлыг хүн бүр л анхааралтай ажиглаж байна. Гэтэл хохирогчийн өмгөөлөгчөөр өнөөх тэрбумтан, дуулиант хэрэг бүрд дуугардаг Г.Батбаяр өмгөөлөгч гараад иржээ.

Энд нэг зүйлийг онцлон хэлэх нь зүйтэй. Бид гэмт хэргээс болж хохирсон 13 настай бяцхан охин М болон яллагдагч Д.Жавхлан, М.Амарболд нарын хэнийг ч өмөөрөх гээгүйг онцлон хэлье. Гол нь шүүх хуралдаан дээр яригдсан болон яригдаагүй зүйл, хүний эрүүл сэтгэхүйд багтахааргүй үйлдлийг хийсэн бол яллагдагч нар тохирох хуулийн хариуцлагаа хүлээх ёстойг хэлэхийг зорьж байгаа юм.

13 настай охины амь насыг хохироосон яллагдагч нарыг шүүх хурал боллоо. Шүүх хурлын завсарлагаанаар сурсан зангаараа өмгөөлөгч Г.Батбаяр хэвлэлийнхэнд аанай л бүхнийг мэддэг "алдарт өмгөөлөгч”-ийн дүр төрхөөрөө ярилцлага өгөв. Гэвч тэр хэлсэн үгэндээ хэд хэдэн ноцтой алдаа хийж байгаагаа өөрөө ч анзаарсангүй бололтой.

Юуны өмнө өмгөөлөгч гэх Г.Батбаяр хуульчийн ёс зүйг ноцтой зөрчив. Тэрээр хаалттай шүүх хуралдааны процессийг олон нийтэд мэдэмхийрэн мэдээлэв.

Ингээд зогсохгүй логикийн маш том алдаа хийв. Дашрамд хэлэхэд логик бол эрүүл зөв сэтгэхүйг илэрхийлсэн ухаан юм. Логикт эсрэг агуулгатай хоёр бодомжийн зөвхөн нэг л үнэн, нөгөө нь худал гэсэн "хууль”-тай.

Өмгөөлөгч гэх Г.Батбаяр хохирогчийн амь насыг хохироосон гэмт хэрэгтнүүдийн тухай ярихдаа тэд нас барсан охины хөрсөн цогцосыг 3-4 цаг хүчиндсэн гэж хэлэв. Хэрвээ Г.Батбаярын хэлсэн энэ хэллэгийг үнэн гэж үзвэл эдгээр гэмт хэрэгтнүүд оюун ухааны хувьд асуудалтай байж таарах гээд байна. Ямарч эрүүл сэтгэхүйтэй хүн хөрсөн цогцостой 3-4 цаг хурьцал хийх вэ, тиймээс эдгээр хүн биш адгуус мэт авирласан залуусын сэтгэхүйг нэн даруй шалгах ёстой. Тэгээд ч ямарч эр бодгаль 3-4 цаг тасралтгүй хурьцал үйлдэх, ингэхдээ хөрсөн цогцостой хурьцал үйлдэх нь логикийн төдийгүй магадлалын онолын хувьд боломжгүй зүйл. Гэвч ийм үйл явдал болсон тухай, хохирогчийн өмгөөлөгч ингэж хэлсэн тухай туг.мн сайтад тодорхой бичжээ.

Харин хэрвээ өмгөөлөгч Г.Батбаярын хэлсэн дээрх үг худал төдийгүй, шүүх хурал дээр ийм зүйлс яригдаагүй бол өмгөөлөгч Г.Батбаяр гэдэг хүн олон нийтийн анхаарлыг татахын тулд нэгэнт амь насаа алдсан бяцхан охины нэрийг барьж "попорсон” хэрэг болж таарна. Энэ үнэн бол түүнд өмгөөлөгчийн ёс зүйн хариуцлага хүлээлгэх ёстой. Тэгээд ч хохирогчийн ар гэрийнхэн нэгэнт амь насаа алдсан "охин”-оор нь дамжуулан нэр хүнд олох гэсэн Г.Батбаяраар өмгөөлүүлэхээс татгалзаж, түүний эсрэг гомдол гаргах эрхтэй.

Сошиал орчинд мэдээлэл түгэхдээ амархан. Ялангуяа олны анхаарлыг татсан дуулиант мэдээ маш хурдацтай тархдаг. Алуурчид нэгэнт нас барсан бяцхан охины хөрсөн цогцостой 3-4 цаг хурьцал үйлдсэн гэж өмгөөлөгч гэх Г.Батбаярын үнэн худалд нь үл мэдэгдэх дуулиант мэдээллийн үнэн худлыг сошиал орчинд нягтлахаас илүүтэй яллагдагч нарыг үзэн ядсан, таарвал ална тална гэсэн мэдээлэл хүчтэй тархав. Товчхондоо Г.Батбаярын яриа хүчирхийллийг нийтэд уриалснаас өөрцгүй хэрэг болов.

ЭХ СУРВАЛЖИЙН ЛИНК: http://amjilt.news/21450

More 196 0

Category: Гол мэдээ / Ноцтой мэдээ

Бэлхийн замд ослын улмаас хоёр хүүхэд амиа алджээ

2018/07/04

Бэлхийн замд ослын улмаас хоёр хүүхэд амиа алджээ

Author: saikhnaa on 4-07-2018, 11:10

Өчигдрийн байдлаар нийслэл хотын хэмжээнд ноцтой зам тээврийн ослын улмаас хоёр хүүхдийн амь нас харамсалтай байдлаар хохирч, 6 хүүхэд хүнд, хөнгөн байдлаар гэмтэж бэртсэн ослууд гарчээ.

Сүхбаатар дүүргийн нутаг Бэлхийн зам, Тоосгоны үйлдвэрийн давхар дэлгүүрийн зүүн замд H.Sonata-6 маркийн автомашины жолооч нь явган зорчигч 13 настай эрэгтэй Х, 7 настай эмэгтэй Б нарын хоёр хүүхдийг мөргөж амь насыг нь хохироосон байна.

Мөн ХУД-ийн нутаг ЗДТГ-ын хойд уулзварт T.Pruis маркийн автомашины жолооч нь хүүхдийн тэргэнд сууж байсан 1 нас 10 сартай М-г мөргөж гэмтээсэн бөгөөд тухайн үед ээж А-н хамт явган хүний гарцтай газраар явж байсан байна.

Урин дулааны улиралд хичээл, сургууль амарч хүүхэд багачууд гадаа тоглох, зугаалах зэргээр амардаг. Энэ үед хүүхэд өртсөн зам тээврийн осол, хэрэг нэмэгдэх хандлагатай байдаг.

Статистик судалгаагаар 2018 он гарсаар эхний хагас жилийн байдлаар хүүхэд өртсөн осол буурсан байгаа хэдий ч энэ төрлийн осол улсын хэмжээнд 371 бүртгэгдэж, 11 хүүхдийн амь нас хохирч, 74 хүүхэд хүнд, хүндэвтэр байдлаар гэмтсэн үзүүлэлттэй байна. Нийт зам тээврийн осолд өртсөн хүүхдийн насны ангилалаар авч үзвэл дийлэнх хувь нь эцэг эхийн хараа хяналтанд байх, ид тоглож наадаж, өсөн торниж байх буюу 7-14 насан дээрээ зам тээврийн осол, хэрэгт өртжээ.

Бага насны хүүхдүүд явж байгаа автомашины зай болон хурдыг баримжаалах чадвар муутай байдгийн дээр гэрлэн болон дуут дохионы утгыг тэр болгон ойлгодоггүй сэтгэл зүйн онцлогтой байдаг тул жолооч та тээврийн хэрэгслийн хурдыг ямагт анхаарч, бага насны хүүхдэд зам тавьж өгч байгаарай.

Мөн эцэг эх та хүүхдэдээ тавих хараа хяналтаа сайжруулж, 10 хүртэлх насны хүүхдийг бие даан болон насанд хүрээгүй харгалзах хүнтэй замын хөдөлгөөнд оролцуулахгүй байхыг анхааруулж байна.

Эх сурвалж: ЗЦА

More 226 0

Category: Ноцтой мэдээ / Нийгэм

Ах аа, намайг битгий хүчирхийлээч

2018/07/04

Ах аа, намайг битгий хүчирхийлээч

Author: saikhnaa on 4-07-2018, 11:05

Өчигдөрхөн Фэйсбүүкийн нэр групп дээрээс нэгэн ээжийн бичсэн постыг уншаад өөрийн эрхгүй айдас хүйдэст автаж, бяцхан охидоо хаанаа нуух вэ, хэрхэн хамгаалах вэ хэмээн толгой гашилгах болсон юм. Тэрхүү постыг сийрүүлбэл, бичигч эмэгтэй байрныхаа гадаа машинаасаа юм буулгаад зогсож байх үед хажууханд нь хоёр эрэгтэй сааданд тоглож буй охидыг хараад "Ийм жаахан охидынх ямар байдаг бол” хэмээн хоорондоо ярилцан, чанга чанга инээлдсэн гэнэ.

Энэ мэт шүлэнгэтсэн харцтай, хүн биш, араатнаас дор бодолтой эрчүүд хаа сайгүй болсон гэж бодохоос өөрийн эрхгүй жихүүдэс төрж, өөдөсхөн охидоо өрөвдөхийн дээдээр өрөвдөж, харамлахын дээдээр харамлах сэтгэл төрнө.

Долоодугаар сар гараад дөрөвхөн хонож байна. Гэтэл энэ дөрөвхөн хоногийн дотор бага насны хүүхдийг хүчирхийлэх гэж оролдлого дахиад нэг гарчихлаа. Тодруулбал, Баянхонгор аймагт төрийн албан хаагч, сумын нягтлан бодогч хийдэг залуу тавхан настай охиныг хүчирхийлэх гэж байгаад баригдаж, цагдан хоригдож байна.

Гэр бүл, хүүхэд хөгжлийн газрын мэдээллээс үзэхэд өнгөрсөн онд бага насны хүүхдийн эсрэг үйлдэгдэж байгаа бэлгийн хүчирхийлэл 187 гарчээ. 2014-2016 оны шүүхээр шийдэгдсэн нийтдээ 80 хавтаст хэрэгт анализ хийлгэхэд бэлгийн хүчирхийлэлд өртсөн хүүхдийн 76 хувь нь төрсөн эцэг эхтэйгээ амьдарч байгаад энэ төрлийн гэмт хэргийн хохирогч болсон, 18 хувь нь хойд эцэг, эхтэйгээ амьдарч байгаад хохирогч болсон, нийт дүнгээр 94 хувь нь эцэг, эхтэйгээ байж байгаад энэ төрлийн гэмт хэргийн хохирогч болсон байна.

Харин 2018 оны нэгдүгээр улирлын байдлаар бэлгийн хүчирхийлэлд өртсөн хохирогч хүүхдийн тоо 59 байж магадгүй гэсэн дуудлага мэдээлэл манайд ирэн хяналтад аваад ажиллаж байгаа. Өнөөдрийн байдлаар энэ тоо 68 болсон гэжээ. Тэдгээр 59 тохиолдол дээрээ судалгаа хийхэд ямар нэгэн байдлаар хамаарал бүхий этгээд энэ гэмт хэргийг үйлдсэн тоо 74 хувьтай байгаа. Улсын хэмжээнд нийтдээ сэтгэл санааны хүчирхийлэлд өртсөн хүүхдийн тоо эхний улирлын байдлаар 424 байсан бол өнөөдрийн байдлаар 499 болсон. Үүний 71.2 хувийг хамаарал бүхий этгээд үйлдэж байгаа. Хамаарал бүхий этгээд гэдэгт хамгийн холдоо хөрш айлын этгээд хамгийн ойрдоо төрсөн эцэг эх багтдаг гэжээ.

Таван настай, хойд эцэгтэйгээ амьдарч байсан охин, ой найман сартай хүү гээд үзэхэд л бүгд л ямар нэгэн байдлаар холбоотой хүмүүс хүүхдүүдэд бэлгийн хүчирхийлэл үйлддэг гэсэн үг.

Охид багадаа бэлгийн хүчирхийлэлд өртсөнөөр бие эрхтнээрээ хохирохоос гадна насанд туршдаа сэтгэл санааны дарамт, сэтгэл гутралд ордог. Бяцхан охидын зүрхэнд таньдаг ах, хойд аав, өвөө, хөршийнх нь хүний хийсэн үйлдлээс болж насан туршдаа эрэгтэйчүүдийг үзэн яддаг, үргэлжийн мөнхөд айдаг эмгэгтэй болно.

"Ах аа, намайг битгий хүчирхийлээч” хэмээн харцандаа айдас тээсэн бяцхан зүрхний төлөө эцэг эх бүр анхаарал халамжаа нэмэгдүүлж, хүн бүр ийм асуудлын өмнө дуугүй сууж боломгүй байна.

ЭХ СУРВАЛЖ: ERENNEWS.MN

More 236 0

Category: Гол мэдээ / Ноцтой мэдээ / Нийгэм

Барилгын ослын улмаас 2 хүн амиа алджээ

2018/07/03

Барилгын ослын улмаас 2 хүн амиа алджээ

Author: saikhnaa on 3-07-2018, 14:24

Долдугаар сарын 1-ны өдөр барилгын ослын улмаас хоёр хүн амиа алдсан хэрэг гарчээ. Тодруулбал, Хан-Уул дүүргийн нутаг дэвсгэрт 40 настай залуу ажлаа хийж байхдаа зургаан давхраас унаж амиа алджээ. Эх сурвалжуудын мэдээлж байгаагаар талийгаачийн толгойд арматур зоогдсон, эмнэлэгт хүргэгдэх замдаа зүрх нь зогсжээ.

Энэ талаар ЦЕГ-ын хмт-ийн мэргэжилтэн М.Мөнхшүр "Долоодугаар сарын 1-ны өдөр Хан-Уул дүүргийн нутаг дэвсгэрт баригдаж байсан барилгаас хүн унаж гэмтлээ гэсэн дуудлага, мэдээлэл тус дүүргийн цагдаагийн 1 дүгээр хэлтэст бүртгэгдсэн. Үүний дагуу хэргийн газрын үзлэг хийхэд тус дүүргийн 3 дугаар хорооны нутаг дэвсгэрт баригдаж байсан барилгын зургаан давхраас эрэгтэй 40 настай У унаж бэртэж, гэмтлийн эмнэлэг хүргэгдэх замдаа амь нас нь хохирсон хэрэг бүртгэгдсэн байгаа" гэлээ.

Мөн Чингэлтэй дүүрэгт барилгын ослын улмаас нэг хүн амиа алдсан байна. Иймээс аж ахуй нэгжүүд хөдөлмөрийн аюулгүй байдлаа хангаж ажиллах шаардлагатай байгаа юм. Уг нь мэргэжлийн хяналтын байгууллагаас сануулан шаардсаар байгаа ч энэ төрлийн хэргүүд гарсаар байна.

More 264 0

Category: Гол мэдээ / Ноцтой мэдээ

Төрийн албан хаагч таван настай охиныг хүчирхийлэхийг завджээ

2018/07/03

Төрийн албан хаагч таван настай охиныг хүчирхийлэхийг завджээ

Author: saikhnaa on 3-07-2018, 13:23

Баянхонгор аймагт төрийн албан хаагч таван настай охиныг хүчирхийлэхийг завдсан хэрэг гарчээ. Энэ хэргээр түүнийг өчигдөр орой баривчилсан байна. Сэжигтэн этгээдэд шүүхээс нэг сар цагдан хорих захирамж гаргасан аж.

Энэ талаар тус аймгийн цагдаагийн газраас "Энэ сарын 1-ний өдөр таван настай охиныг хүчирхийлэхийг завдсан хэрэг цагдаагийн байгууллагад бүртгэгдсэн. Сэжигтэн Н-г шалгах ажиллагаа үргэлжилж байна" гэжээ.

Түүнчлэн ЦЕГ-ын Хэвлэл, мэдээллийн төвийн дарга, цагдаагийн дэд хурандаа Б.Баатархүү "28 настай Н нь сумын нягтлан бодогч ажилтай. Түүнийг бага насны хүүхдийг хүчирхийлэхийг завдсан байж болзошгүй хэрэгт холбогдуулан шалгаж, өчигдөр цагдан хорьсон" гэж мэдээлсэн байна.

More 237 0

Category: Гол мэдээ / Ноцтой мэдээ

Сураггүй алга болсон 16 настай хүүгийн цогцсыг олжээ

2018/07/03

Сураггүй алга болсон 16 настай хүүгийн цогцсыг олжээ

Author: saikhnaa on 3-07-2018, 13:21

Баян-Өлгий аймгийн Цэнгэл сумын Харганат багийн Аарцат гэдэг газар 16 настай хүү өнгөрсөн сарын 28-ны өглөө малдаа яваад сураггүй алга болсон билээ.

Хүүг аврах, эрэн хайх ажиллагааг 29-нд эхлүүлж, Жижиг нуураас унаж явсан морь нь үхсэн байхыг олсон. Тэгвэл хүүгийн цогцсыг өчигдөр олж, цагдаагийн байгууллагад шилжүүлэн өгчээ. Одоогоор хүүгийн үхлийн шалтгаан тодорхойгүй байна.

Үүнээс гадна тус аймагт 13 настай охин, 10 настай хүү сураггүй алга болоод 9 хонож байгаа юм.

More 288 0

Category: Ноцтой мэдээ / Нийгэм

Хүүхэд "тогонд" цохиулаад, хорвоог орхиж л байг уу

2018/07/02

Хүүхэд "тогонд" цохиулаад, хорвоог орхиж л байг уу

Author: saikhnaa on 2-07-2018, 11:24

Сонгинохайрхан дүүргийн XXIV хороо, Баруун салааны нутаг дэвсгэр Хустай орчмын айлууд холоос утас татаж цахилгаанд залгасан тухай өмнө нь мэдээлж байсан. Машин замыг, айлын хашааг, жалга, судгийг ч хөндлөн татсан, салаалсан урт утаснууд дундаа тасарсан, утас нь шалбарч цахилгаан гүйдэлд цохиулах өндөр эрсдэлтэй харагддаг. Томчуудаас илүү тоглож наадах багачуулд аюултай орчин тэнд үүсээд байгаа.

Тун саяхан /2018.06.25/ Сүхбаатар дүүргийн 7 хороо, 11 дүгээр хорооллын 7 дугаар байрны орчимд цахилгааны утсанд цохиулж бага насны хүүхэд амь насаа алдсан харамсалтай хэрэг гарсан. Албан дүгнэлт гараагүй байгаа боловч тус хороололд байрлах эмийн сангийн төмөр хаалганд тогтоосон байсан, цахилгааны богино холбоо үүссэн ил задгай утсанд хүүхэд хүрч, цахилгаанд цохиулан амь насаа алдсан.

Баруунсалаанд хичнээн ч хүүхдийн амь насыг авч одож мэдэхээр цахилгааны утаснууд олны хөлийн газар олон байна.

Хустайн орчимд 350-400 орчим айл гэрэл цахилгаангүй байгаа. Тиймээс багадаа 50-500 метр холоос утас татаж айлаас цахилгаанаа авч байгааг тус хорооны хэсгийн ахлагч хэлсэн. Өнгөрсөн жилээс эл газар нутагт цахилгаан эрчим хүчний шон босгож эхэлснээр нэлээдгүй айл албан ёсны цахилгаантай болсон байна. Гэвч хулгайгаар утас татаж, айлаас айл дамжуулан цахилгаанд залгасан өрхүүд байсаар л байгаа аж.

"УБЦТС” ХХК-иас сар бүр зохион байгуулалттай ажлын хэсэг байгуулж Баруунсалаанд очиж, "хулгайгаар” цахилгааны утас татсан айлуудын тогыг тасалдаг байна. Гэвч тасалчихаад явангуут эргээд л айлууд нэг нэгнээсээ дамжуулаад урт урт утас татаад цахилгаанд залгачихдаг, тэгээд утсаа булчихдаг аж. Зарим нь үерийн амаар дамжуулаад аль болох хүний хөл хүрэхгүй газраар утсаа явуулчихдаг. Энэ нь эргээд харин ч аюултай нөхцөл байдал үүсгээд байгааг "УБЦТС” ХХК-ийн мэргэжилтэн хэлсэн. Холоос татсан цахилгааны утаснууд хоорондоо нийлж, шатсан, богино холбоо үүссэн, тухайн утсан дээр гишгэхэд тог цохих энүүхэнд.. Ниргэсэн хойно нь хашхирав гэгчээр нэг л өдөр гай зовлон тохиолдохыг үгүйсгэж болохгүйг тогонд цохиулж нас барсан 11 настай хүүхдийн амь харуулаад байна.

Манайхан өөрсдөө хэнэггүй дээр нь хариуцлагагүй. Тэгсэн хэр нь хэрэг, явдал болсны дараа Төрийг, ажлаа хийж чадаагүй гэж албан хаагчдыг буруутгах нь олонтаа. Гэвч зарим тохиолдолд ард иргэд ухамсартай байж, аюул ослоос урьдчилан сэргийлмээр байгаа юм.

Улаанбаатар хотын гэр хорооллын айл өрхүүд, цахилгаан эрчим хүчээ сайжруулах болон эрчим хүчинд шинээр холбогдохын тулд хоёр, гурван шат дараалалтай ажил хийх ёстой юм байна. Эхлээд "Улаанбаатар цахилгаан түгээх сүлжээ” ХХК болон тухайн дүүрэгтээ, эсвэл Нийслэлийн захирагчийн албанд өргөдөл гаргана. Өргөдөл гаргаж буй айл өрх, албан ёсны зөвшөөрөлтэй, байнгын суурьшмал хаягтай байх ёстой юм. Үерийн далан дээр ч юм уу, зөвшөөрөлгүй газар буусан өрхөд дан ганц цахилгаан хангамж ч биш, инженерийн хангамж үйлчилгээ үзүүлэх нь хуулиар хориотой байдаг.

Тиймээс цахилгаан холбуулахын тулд иргэн эхлээд хүсэлтээ өгөөд, газраа шалгуулна. Хүсэлтийн дагуу тухайн дүүрэг хорооны төлөөлөл, Нийслэлийн захирагчийн ажлын алба, "Улаанбаатар цахилгаан түгээх сүлжээ” ХХК-ийн төлөөлөл газар дээр нь очиж шалгаад, цахилгаанаар хангах боломжтой эсэхийг газар дээр нь шийдвэрлэдэг аж.

Г.Сүрэн

Эх сурвалж: http://www.shuud.mn/a/498495

More 205 0

Category: Онцлох / Ноцтой мэдээ