Scandal.mn

Нисгэгчийн холбоо тасарч, хоёр хүний амь үрэгджээ

2018/10/01

Нисгэгчийн холбоо тасарч, хоёр хүний амь үрэгджээ

Author: Nomuun on 1-10-2018, 16:32

Эрхүү мужийн голд Robinson нисдэг тэрэг унаж, сүйрсний улмаас хоёр хүн амь үрэгдсэн тухай "ТАСС” агентлаг мэдээлэв. Ослын газар орон нутгийн онцгой байдлын газрын ажилтнууд ажиллаж байгаа аж. Бодайбо хотын дарга Евгений Юмашевын мэдэгдсэнээр, нисдэг тэрэг хадан хавцалтай газраас ниссэн байна.

Эх сурвалжийн өмнө нь мэдээлснээр, Robinson нисдэг тэрэг Эрхүүгийн Бодайбинский дүүрэгт алга болжээ. Нисгэгч нь товлосон цагтаа холбоо бариагүй бөгөөд урьдчилсан мэдээллээр нисдэг тэрэг Витим голд унасан байж магадгүй аж.

More 185 0

Category: Нийгэм

Үе үеийн ахмад ажилтнуудаа өнөөдөр хүлээн авч, хүндэтгэл үзүүллээ

2018/10/01

Үе үеийн ахмад ажилтнуудаа өнөөдөр хүлээн авч, хүндэтгэл үзүүллээ

Author: Nomuun on 1-10-2018, 16:30

Улсынхаа болон Нийслэлийн хотынхоо хөгжил цэцэглэлт, бүтээн байгуулалтын ажилд гар бие оролцож явсан үе үеийн ахмад ажилтнуудаа өнөөдөр хүлээн авч, хүндэтгэл үзүүллээ. Барилга, хот байгуулалтын сайд Х.Баделхан, Төрийн нарийн бичгийн дарга С.Магнайсүрэн, Төрийн захиргааны удирдлагын газрын дарга У.Отгонбаяр болон бусад удирдлагууд, алба хаагчид энэхүү хүндэтгэлийн арга хэмжээнд оролцсон юм.

Барилга, хот байгуулалтын сайд Х.Баделхан: "Бидний урилгыг хүлээн авч хүрэлцэн ирсэн үе үеийн ахмад буурлууддаа ахмадуудын баярын мэнд хүргэж, талархал илэрхийлье. Ардын хувьсгал эхэлснээр манай Улс орны хөгжил цэцэглэлтийн үндсэн суурь тавигдаж, тэр үеэс өнөөдрийн Улс орны өнгө төрх болсон өндөр сайхан барилгууд сүндэрлэж эхэлсэн. Улс орны өнгө төрх, хөгжил цэцэглэлтийг баригдсан барилга байгууламжаар шинждэг билээ. Энэхүү хөгжил цэцэглэлтийг та бүхэнгүйгээр төсөөлөх аргагүй. Та бүхний алдар гавъяа хэзээ ч мартагдахааргүй үнэ цэнэтэй хэвээр байх болно. Бүх ахмадууддаа эрүүл энх, сайн сайхан бүхнийг хүсье. Сайхан баярлаарай” гэв.

More 133 0

Category: Нийгэм

Шүүгчид 40 хувиар илүү ачаалалтай ажилладаг гэв

2018/10/01

Шүүгчид 40 хувиар илүү ачаалалтай ажилладаг гэв

Author: Nomuun on 1-10-2018, 15:40

Шүүхийн ерөнхий зөвлөлөөс сар бүр зохион байгуулдаг "Нээлттэй шүүх” хэвлэлийн бага хурал өнөөдөр боллоо. Хэвлэлийн бага хурлын үеэр "Шүүгчийн ачаалал” сэдвээр Шүүхийн ерөнхий зөвлөлийн гишүүн О.Зандраа, "Шүүгчийн ажлын ачаалал тодорхойлох судалгаа” хийсэн багын судлаач, хуульч Г.Цагаанбаяр нар мэдээлэл хийсэн байна. Мөн "Хэргийн хөдөлгөөний удирдлагын төв”-өөс иргэд ямар мэдээлэл авах боломжтой талаар Хэргийн хөдөлгөөний удирдлагын хэлтсийн референт Б.Билгүүн сэтгүүлчдэд мэдээлэл өгчээ.

Шүүхийн ерөнхий зөвлөлийн захиалгаар "Хөгжлийн санаачилга бодлого судлалын төв” нийслэлийн зургаан дүүргийн эрүү, иргэний хэргийн анхан шатны шүүх, нийслэл дэх захиргааны хэргийн анхан шатны шүүх, сум дундын эрүү, иргэний анхан шатны шүүхүүдэд шүүгчийн ажлын ачааллыг тооцох судалгааг анх удаа хийжээ. Шүүхийн захиргааны тухай хуулийн долдугаар зүйлийн 7.1.5-д зааснаар шүүгч болон шүүхийн захиргааны ажилтны ажлын ачааллыг судалж, холбогдох арга хэмжээ авах, тэдгээрийн эрх, хууль ёсны ашиг сонирхлыг хамгаалах нь Шүүхийн ерөнхий зөвлөлийн бүрэн эрх гэдгийг тодотгосон юм.

Энэ талаар Шүүхийн ерөнхий зөвлөлийн гишүүн О.Зандраа хэлэхдээ, "Хот болон хөдөө орон нутагт ажиллаж байгаа шүүгч нарын ажлын ачаалал тэнцвэртэй биш байгаа. Шүүгчийн ачааллыг тэнцвэржүүлэх шаардлага байгаа. Тиймээс Шүүхийн ерөнхий зөвлөл шүүгч нарыг томилолтоор ажиллуулж байна. Судалгааны явцад шүүгчийн ажлын ачаалалтай холбоотой нарийн тоон мэдээллүүд гарсан. Судалгааны дүнг ажил хэрэг болгож ажиллана. Шүүгчийн орон тоо дутуу байгаа нь шүүн таслах ажиллагаанд сөргөөр нөлөөлж байна. Жишээ нь баруун аймгуудад давж заалдах шатны шүүх хуралдаан хийхэд бүрэлдэхүүн хүрдэггүй. Баян-Өлгий, Ховд, Увс аймгийн шүүгч нар томилолтоор ажиллаж байгаа” гэлээ.

Түүнчлэн "Хууль эрх зүйн хөгжлийн хүрээлэн” ТББ-ын хуульч, судлаач Г.Цагаанбаяр хэлэхдээ, "Нийслэлийн 6 дүүргийн иргэний хэргийн анхан шатны нэг шүүгчид 310 хэргийг шийдвэрлэхэд 323 өдөр зарцуулж байгаа нь ачаалал харьцангуй ихтэйг харуулж байна. Шүүгч жилд 230 өдөр ажиллана гэж үзвэл 93 өдрөөр ажлын ачаалал илүү байгаа бөгөөд үүнийг ажлын өдөр болон амралтын өдөр ажиллаж нөхөж байна. Илүү ажиллаж буй 93 өдөр нь ажлын 744 цаг болж байгаа бөгөөд шүүгч жилд 1840 цаг ажиллах ёстой гэж үзвэл 40 хувиар илүү ачаалалтай ажиллаж байна” гэв.

More 249 0

Category: Нийгэм

Хууль зүйн сайд Ц.Нямдоржийг цагдаад шалгуулахаар болжээ

2018/10/01

Хууль зүйн сайд Ц.Нямдоржийг цагдаад шалгуулахаар болжээ

Author: Nomuun on 1-10-2018, 15:38

Ардчилсан намаас Хууль зүй, дотоод хэргийн сайд Ц.Нямдоржийг шалгуулахаар цагдаагийн ерөнхий газрын хэв журам хамгаалах олон нийтийн аюулгүй байдлыг хангах албанд гомдол гаргасан байна.

Хууль зүйн сайд Ц.Нямдорж нь есдүгээр сарын 21-ны өдөр хэвлэлд ярилцлага өгөхдөө "Зам тээврийн яаманд хүний аминд халдсан хүнийг улс төрийнх нь угшил мугшилаар нь хөөх юм бол Ардчилсан нам, МоАХ-ын фракцын хүн юм байна лээ шүү дээ” гэж ярьсан нь түүний эсрэг цагдаад гомдол гаргахад хүргэжээ.

Ардчилсан намын зүгээс Б.Махбалыг хэзээ ч АН-ын гишүүн байгаагүй гэж мэдэгдээд ор үндэслэлгүй мэдээлэл түгээсэн Хууль зүйн сайд Ц.Нямдоржийг намын нэр хүндийг гутаан доромжилсон гэж үзсэн байна. Тиймээс түүнийг Зөрчлийн тухай хуулийн 6.21.1-д заасны дагуу шалгаж гэм буруутайг тогтоож зөрчлийн хуульд заасан хариуцлагыг хүлээлгэхийг хүсэж гомдол гаргасан нь энэ аж.

Т.ХУЛАН

More 223 0

Category: Улс төр

Өглөө сэрэнгүүтээ огтхон ч хийж болохгүй 7 зүйл

2018/10/01

Өглөө сэрэнгүүтээ огтхон ч хийж болохгүй 7 зүйл

Author: zulaa on 1-10-2018, 15:34

"Хүн бүр орйой орондоо орохдоо маргааш өглөө сэрнэ гэдэг итгэл өвөртлөн унтдаг” гэж үг байдаг билээ. Тиймээс өглөө бүр сэрэх нь асар их үнэ цэнэтэй бэлэг юм.

More 143 0

Category: Зөвлөгөө

“МИАТ” ТӨХК-ийн нислэгийн үеэр үйлчлэгч рүү халуун ус цацаж, онгоц ослын буулт зарлажээ

2018/10/01

“МИАТ” ТӨХК-ийн нислэгийн үеэр үйлчлэгч рүү халуун ус цацаж, онгоц ослын буулт зарлажээ

Author: Nomuun on 1-10-2018, 15:14

Онгоцонд зорчиж явсан нэгэн иргэн онгоцны үйлчлэгч рүү буцалсан ус цацсан хэрэг гарчээ. Тодруулбал, өнгөрөгч баасан гарагт буюу есдүгээр сарын 28-ний өдөр Бээжин-Улаанбаатар чиглэлийн үндэсний агаарын тээвэрлэгч "МИАТ” ТӨХК-ийн нислэгийн үеэр зорчигч иргэн онгоцны үйлчлэгчийн гар луу буцалсан халуун ус цацсан байна. Энэхүү хэргээс болж онгоц ослын буулт зарлаж, тухай онгоцны нисэх цаг 01:00 болж өөрчлөгдөж, зарим иргэдэд багагүй чирэгдэл учруулсан аж.

Улмаар онгоц Улаанбаатар-Бээжин чиглэлийн нислэгийн хуваарийн дагуу Бээжинд газарджээ. Тухайн үед зорчигч согтуу байсны улмаас онгоцны үйлчлэгчийг муу үйлчиллээ хэмээн уурлаж аягалж өгсөн усыг нь өөр лүү нь цацсан гэсэн мэдээлэл байна. Онгоцны ажилчид Бээжингийн цагдаагийн байгууллагад хандсан боловч манай улсын онгоц байсан учир Монгол улсын хуулиар хэргийг шийдвэрлэхийг анхааруулжээ.

Энэ тухай холбогдох албаныхнаас тодруулахад, "Буцалсан ус цацуулсан онгоцны үйлчлэгч одоогийн байдлаар ажлаа хэвийн хийгээд явж байгаа. Халуун ус нүүрэн тус газар нь бус зүүн гар луу нь цацарсан. Ус цацсан зорчигчийн хажууд нь сууж явсан Хятад иргэн рүү мөн ус цацарсан ч азаар гэмтэл түлэгдэлгүй өнгөрсөн. Ус цацсан зорчигч тухайн үед согтуу байгаагүй. Энэ хүний талаар илүү дэлгэрэнгүй мэдээлэл өгөх боломжгүй байна” гэсэн мэдээллийг бидэнд өглөө.

Мөн тус хэрэг явдлын талаар үндэсний агаарын тээвэрлэгч "МИАТ” ТӨХК-аас удахгүй мэдээлэл хийх гэж байгаа тухай хэллээ. Одоогийн байдлаар дээрх хэргийг үйлдсэн зорчигч болоод энэ хэрэгт холбоотой хүмүүс цагдаагийн байгууллагад тайлбар, мэдүүлэг өгөөд байгаа аж.

More 284 0

Category: Гол мэдээ / Нийгэм

Рианна Барбадосын элчин сайд боллоо

2018/10/01

Рианна Барбадосын элчин сайд боллоо

Author: Nomuun on 1-10-2018, 15:08

Дуучин Рианна төрөлх Барбадос нутгийнхаа онц бөгөөд бүрэн эрхэт элчин сайд болжээ. Барбадосын Засгийн газрын албан ёсны цахим хуудсанд тавигдсан мэдээлэлд "Энэхүү албан тушаал нь боловсрол, аялал жуулчлал, арлын хөрөнгө оруулалтыг дэмжихэд тодорхой үүрэг гүйцэтгэх” аж. Карибын тэнгисийн арал улс болох Барбадост мэндэлсэн Рианна 2008 онд улсынхаа соёлын элч болж байсан. Гэхдээ түүний шинэ алба соёлын элчийн ажилтай харьцуулахад илүү өргөн цар хүрээтэй, хариуцлага өндөртэй юм. Онц бөгөөд бүрэн эрхэт элчин сайд гэдэг нь ихэвчлэн гадаас улс оронд өөрийн улсыг төлөөлөн суудаг дипломат ажилтныг тодорхойлдог ойлголт билээ.

Барбадосын Ерөнхий сайд Миа Амор Моттли "Дуучин Рианнаг арал дээрх ертөнцийг бүтээлцэж, дэлхийд таниулахад хувь нэмрээ оруулж яваа учир ийнхүү элчин сайдаар ажиллаж чадах хүн мөн гэж үзсэн” хэмээн мэдэгджээ. Үүгээр ч зогсохгүй Рианнагийн хийж бүтээсэн бүхэн эрүүл мэнд, боловсролын салбарын буяны үйл ажиллагаанд тусгалаа олсон гэдгийг ч Ерөнхий сайд онцолсон байна.

Харин Рианнагийн хувьд "Барбадосын ирээдүйн төлөө өөрийн чадах бүхнээ хийх болно. Ийм нэр хүндтэй үүргийг хүлээн авахдаа баяртай байна” гэжээ. Дуучин Рианнагийн хувьд зөвхөн дуулаад зогсохгүй сайн жүжигчин, гоо сайхан, дотуур хувцасны Fenty брэндийг удирддаг байсан бол одоо улсаа төлөөлсөн онцгой эрхэт нэгэн боллоо.

More 165 0

Category: Шар мэдээ

Хүүхдэд төрсөн өдрөөс нь эхэлж РД олгоно

2018/10/01

Хүүхдэд төрсөн өдрөөс нь эхэлж РД олгоно

Author: Nomuun on 1-10-2018, 15:06

Монгол Улсын Их хурлын 2016 оны 19 дүгээр тогтоолоор батлагдсан Монгол Улсын тогтвортой хөгжлийн үзэл баримтлал 2030 хөтөлбөрийг хүрээнд төрөөс иргэдэд чиглэсэн үйлчилгээний 80.85 хувиас доошгүй хувийг цахим хэлбэрт шилжүүлнэ, төрийн байгууллагуудын уялдаа холбоог сайжруулах, Нэг иргэн-Нэг бүртгэл хөтөлбөрийг хэрэгжүүлэх замаар бүртгэлийн тогтолцоог үе шаттай төгөлдөржүүлэх зорилтуудыг тус тус дэвшүүлсэн байдаг.

Эдгээр хөтөлбөрийг хэрэгжүүлэх ажлын хүрээнд Үндэсний статистикийн хороо, Эрүүл мэндийн яам, Улсын бүртгэлийн ерөнхий газар 2016 онд хамтран ажиллах санамж бичгийг байгуулжээ. Хамтран ажиллах санамж бичгийн үр дүнд мэдээлэл солилцох дундын өгөгдлийн мэдээллийн сангийн бүтэц, цахим бүртгэлийн системийг боловсруулж нийслэлийн хэмжээнд нэвтрүүлж бэлэн болгох юм. Ингэснээр улсын бүртгэлийн мэдээллийн сангаас хүүхэд эмнэлэгт төрмөгц Монгол Улсын регистрийн дугаар олгох, иргэний улсын бүртгэлийн мэдээллийн санг үндэслэн эмнэлэгт үйлчлүүлэгчдийг бүртгэх, улсын бүртгэлийн байгууллага нь төрсний болон нас барсны бүртгэлийг эрүүл мэндийн мэдээллийн санд үндэслэн хөтлөх аж.

2018 оны 10 дугаар сарын 01-ний өдрөөс нийслэлийн 7 өрөх эмнэлэг, 2018 оны 11 дүгээр сарын 01-ний өдрөөс улсын хэмжээнд хэрэгжүүлэх бөгөөд дараах ач холбогдолтой болно

Үүнд:

Тогтвортой хөнжлийн зрилтын хүрээнд стастикийн мэдээллийг үнэн зөв, бодит гаргах зорилгоор хүн ам зүйн үндсэн үзүүлэлтээр гаргаж буй эрүүл мэндийн статистикийн үзүүлэлтийг өрхийн нийгэм , эдийн засгийн үзүүлэлтэй холбох, хүн амын ердийн хөдөлгөөний талаарх тоо мэдээг иргэн улсын бүртгэлийн мэдээллийн сангаас гаргаж, олон улсын жишигт нийцсэн статистикийг шинээр бий болгох
"Эх, хүүхэд, нөхөн үржихүйн эрүүл мэндийн үндэсний хөтөлбөр”-ийг хэрэгжүүлэх, эрүүл мэндийн салбарын цахим тогтолцоог хөнжүүлж, Үлчилгээний шуурхай байдлыг хангах цогц арга хэмжээг авах
"Нэг иргэн-нэг бүртгэл” үндэсний хөтөлбөр хэрэгжүүлэх, бүртгэлийн тогтолцоог үе цаттай төгөлдөржүүлэх, төрийн байгууллагуудын мэдээллийн сангийн уялалдаа холбоог сайжруулах, мэдээлэл харилцан солилцох, бүртгэлийн үнэн зөв байдлыг хангах, төрсний, нас барсны бүртгэлийг цахимаар бүртгэх

More 172 0

Category: Нийгэм

Харумафүжи Д.Бямбадорж ням гаригт зодог тайллаа

2018/10/01

Харумафүжи Д.Бямбадорж ням гаригт зодог тайллаа

Author: Nomuun on 1-10-2018, 15:04

Японы мэргэжлийн сүмо бөхийн 70 дахь Их аварга Харүмафүжи Д.Бямбадоржийн зодог тайлах ёслол өчигдөр/09.30/ боллоо. Мэргэжлийн сүмогийн дэвжээнд 17 жил зодоглож их аварга цол хүртсэн тэрбээр сүүлчийн удаа дэвжээндээ гарч ёкозүна дохё-ири ёслол хийж зодог тайлав.

Энэхүү ёслолд 68 дахь их аварга Асашёорюү Д.Дагвадорж хүрэлцэн ирж, хүндэтгэл үзүүлсэн байна.

More 240 0

Category: Фото мэдээ

Хятадад шувууны томуугийн “H5N6” вирус хүнд халдварлажээ

2018/10/01

Хятадад шувууны томуугийн “H5N6” вирус хүнд халдварлажээ

Author: Nomuun on 1-10-2018, 15:00

Шувууны томуугийн "H5N6” вирус хүнд халдварласан анхны тохиолдол Хятадын өмнөд нутгийн Гуандун мужид бүртгэгдсэн тухай Хонконгийн телевизийн "RTHK” суваг мэдээлжээ.

Аминд аюултай уг вирусийн халдварыг Гуанжоу хотын иргэн болох 22 настай залуу авсан бөгөөд өвчний шинж тэмдэг есдүгээр сарын 25-нд илэрчээ.

Түүнийг есдүгээр сарын 26-нд эмнэлэгт хүргэсэн бөгөөд одоо биеийн байдал нь хүнд байгаа аж.

Вирусийн халдвар авсны шинж тэмдэг илрэхээс өмнө уг залуу гэрийн тэжээвэр шувуутай шууд харьцсан байжээ.

Хятадад 2014 оноос хойш "H5N6” вирусийн халдвар авсан 21 дэх тохиолдол бүртгэгдсэн нь энэ юм.

Хятадын шувууны аж ахуйн мужуудын нэг болох Гуйжоуд "H5N6” вирусийн халдвар тархсан тухай тус улсын Хөдөө аж ахуйн сайд өнгрсөн долоо хоногийн бямба гарагт мэдээлжээ. Есдүгээр сарын 16-ны байдлаар уг вирусийн халдвар авсан 5297 тохиолдол бүртгэгдэж, 4948 шувуу үхсэн байна.

Хэдийгээр эрх баригчид халдвараас урьдчилан сэргийлэх шаардлагатай арга хэмжээнүүдийг авсан боловч хүнд халдварлахаас сэргийлж чадсангүй.

More 293 0

Category: Дэлхий дахинд